Xitay, balilar oyunchuqi ishlep chiqiridighan bezi karxanilarni tekshürüdighanliqini élan qildi


2007-08-16
Share

Xitay da'iriliri seyshenbe küni amérika qatarliq döletlerde salametlik sewebidin yighiwélin'ghan balilar oyunchuqlirini ishlepchiqarghuchi xitay karxanilirini tekshürüdighanliqini we mesile bayqalghan karxanilarni qet'iy bir terep qilidighanliqini élan qildi. Xitay soda ministirliki bayanatchisi wang shinpéy, peyshenbe künki axbarat élan qilish yighinida xitayning balilar bixeterlikige alahide ehmiyet béridighanliqini eskertip," biz éksport mehsulatlirining bixeterlikigila emes, memliket ichidiki mehsulatlarningmu bixeterlikige heqiqeten ehmiyet bérimiz," dep körsetti.

U yene" biz bu weqelerni tekshürimiz we qet'iy bir terep qilimiz," deydu. Lékin wang shnpéy, tekshürülidighan karxanilar, tekshürüsh ehwali yaki mesile bayqalghan karxanilarning qandaq bir terep qilinidighanliqini tilgha almidi. Amérika mattél balilar oyunchuqi shirkiti, aldinqi küni xitayda yasalghan 19 milyon dane balilar oyunchuqining yighiwélinidighanliqini élan qilip, bu oyunchuqlarning balilarning salametlikige ziyanliq maddilarda sirlan'ghanliqini agahlandurdi.

Bu mattél shirkitining tunji qétim balilar oyunchuqini yighiwélishi emes. Mezkur shirket buningdin ikki hepte burun xitayda yasalghan bir yérim milyon oyunchuqni oxshash sewebler tüpeylidin yighiwalghan. Xitay da'irilirining xitay oyunchuq karxanilirini tekshürüsh toghrisidiki bayanati, amérika we xitay süpet tekshürüsh organliri kéler ayda xitay éksport mehsulatlirining bixeterlik mesilisi üstide söhbet élip barmaqchi boliwatqan mezgilde élan qilindi. Birleshme axbarat agéntliqining xewer qilishiche, balilar oyunchuqlirining bixeterliki mesilisi söhbettiki merkizi témilarning biri bolup qélishi mumkin. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet