Б д т али комисари хитайниң кишилик һоқуқ мәсилисидә хәлқара өлчәмгә әмәл қилишини тәләп қилди


2005.09.02
Share on WhatsApp
Share on WhatsApp

Б д т ниң кишилик һоқуқ мәсилилири бойичә али комисари луис арбор, җүмә күни бейҗиңда хитайда кишилик һоқуқниң техиму зор илгирләшкә еришишидин үмидвар икәнликини әскәртип, һәр бир дөләт кишилик һоқуқниң хәлқара өлчимини көздин сақит қилмаслиқи керәк, дәп көрсәтти. У, хитайдики зияритиниң ахирқи күни мундақ дәйду: "бу йәрдә кишилик һоқуқ рамкисиниң һөрмәт қилишқа тегишлик хәлқара өлчими бар. Мән өзәмниң йолида маңимән дейиш мувапиқ әмәс." 2 - Сентәбир луис арборниң хитайда елип барған бәш күнлүк зияритиниң ахирқи күни.

Өткән сәйшәнбә күни бейҗиңда чақирилған бир хәлқара йиғинда хитай дөләт комисари таң җяшүән, " һәр бир дөләт кишилик һоқуқни илгири сүрүш вә қоғдаш йолини өз дөлитиниң әһвалиға көрә бәлгилиши керәк," дәп тәкитлигән иди.

Бу луис арборниң хитайни тунҗи қетим зиярәт қилиши болуп, у җүмә күни мухбирларни күтүвелиш йиғинида, хитайда кишилик һоқуқниң келәчәк йилларда илгирләшкә еришишидин үмидвар икәнликини билдүрди. Луис арборниң тәкитлишичә, униң зиярити хитайниң хәлқара пуқралар һоқуқи вә сияси һоқуқлар әһдинамисини тәстиқлашқа "җидди" йеқинлишиватқанлиқини көрситикән.

Униң әскәртишичә, хитай даирилири униңға мәзкур әһдинамини хәлқ қурултийиға сунуш вә уни иҗра қилишта, тәстиқланмайдиған маддиларни әң аз санға чүшүрүш үчүн вақитға иһтияҗимиз бар, дәп әскәрткән. У, " мән даириләрни һоқуқ вә әркинликниң асаси болған бу әһдинамидики бәзи маддиларни тәстиқтин өткүзмәй қоймаслиққа чақиримән," диди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.