Ten jazasini tekshürgüchi xadimi xitay ziyaritini dawamlashturmaqta


2005-12-01
Share

Xitay hökümiti peyshenbe küni, birleshken döletler teshkilati ten jazasini tekshürgüchi aliy xadimi manfirid nowakning xitayni ziyaret qiliwatqanliqi, béyjing hökümitining ten jazasini chekleshke bolghan sadaqitining bir ipadisi hésablinidighanliqini bildürdi.

Xitay tashqi ishlar minstirliqining bayanatchisi chin gangning éytishiche, 21- noyabir küni xitayni ziyaret qilishqa bashlighan manfirid nowak, bu qétimqi ziyariti jeryanida, béyjingdiki hemde tibet we Uyghur aptonom rayonidiki türmilerni ziyaret qilip, shundaqla xitay hökümet rehberliri bilen söhbet élip barghan.

Xitay tashqi ishlar minstirliqining bayanatchisi, manfird nowakning bu ziyariti arqiliq biz semimiyitimizni ipadileymiz dédi. Gerche xitay hökümiti birleshken döletler teshkilati ten jazasini tekshürgüchi aliy xadimining xitaydiki türmilerde tekshürüsh élip bérishigha ruxset bergen bolsimu, emma birleshken döletkler teshkilati xitay hökümitini bu ziyaretke ruxset bérishke qayil qilish üchün on yil jiddiy pa'aliyet élip barghan.

Birleshken döletler teshkilati ten jazasini tekshürgüchi xadimi manfird nowak, xitay ziyaritining harpisida, birleshken döletler teshkilatining jenwediki merkizide ataqliq Uyghur kishilik hoquq pa'aliyetchisi rabiye qadir xanim bilen uchriship, Uyghurlarning weziyiti, Uyghur ilidiki türmiler we tutup turush merkezliri heqqide rabiye xanimdin tepsili melumat alghan idi.

Xitay hökümiti 1996 - yili ten jazasini chekligen. Lékin xewerlerge qarighanda, xitay türmilride bolupmu, Uyghur ilidiki türme we tutup turush merkezliride saqchilarning siyasiy jinayetchilerni wehshi usullarda qyinash ehwalliri üzlüksiz dawamlashmaqta.

Manfrid nowak bu qétimqi xitay ziyariti jeryanidiki tekshürüshi heqqide birleshken döletler teshkilati kishilik hoquq komitétining kéler yilqi yéghinigha bir doklat sunidiken. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet