Teywen xitayning "döletni parchilashqa qarshi turush qanun layihisi" ge qet'iy qarshiliq bildürdi


2005-03-08
Share

Xitayning memliketlik xelq qurultiyi seyshenbe küni teywen'ge qaritilghan "döletni parchilashqa qarshi turush qanun layihisi" ni resmiy otturigha qoyup muzakire qildi. Teywen bolsa bu qanun layihisige qet'iy qarshi turidighanliqini bildürdi.

Gherb metbu'atlirining bildürüshiche, xitay xelq qurultiyi da'imiy komitétining mu'awin mudiri wang jawgo " döletni parchilashqa qarshi turush qanun layihisi" ni chüshendürüp, xitayning tinch halda teywen bilen birlikke keltürüshke tirishidighanliqini bildürgen. Emma u yene teywen musteqilliqqa qarap mangghan shara'itta, " tinchliqsiz" wastilarni qollinishtin bash tartmaydighanliqini körsetken.

Teywen chong quruqluq ishliri komitétining bayanatchisi chyu teysen xitayning mezkur qanun layihisige qet'iy qarshi chiqip, "bu xitayning qoral küchi bilen teywenni yütiwélish niyitini ashkarilaydu. Bu qanun layihisi eméliyette xitay herbiy da'irilirige teywen'ge qoralliq hujum qilishning yol xétini yézip bergenlik" - dédi.

Xewerlerge qarighanda, xitayning " döletni parchilashqa qarshi turush qanun layihisi" kiler düshenbe küni awazgha qoyulidu. Bu arida, teywen herbiy da'iriliri bayanat élan qilip, bu yil aprilda keng kölemlik herbiy meshiq élip baridighanliqini jakarlidi. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet