Хитай хәлқ қурултийи "дөләтни парчилашқа қарши қанун" ни мақуллиди


2005.03.14
Share on WhatsApp
Share on WhatsApp

Хитай хәлқ қурултийи дүшәнбә күни, дөләтни парчилашқа қарши қанун лайиһисини қобул қилди. Буниңдин бир күн бурун, хитай дөләт рә иси ху җинтав, хитай армийисигә миллий игилик һоқуқини қоғдаш үчүн урушқа тәйяр болушини билдүргән иди.

Америка бирләшмә агентлиқиниң бейҗиңдин хәвәр қилишичә, дөләтни парчилашқа қарши қануни 10 - нөвәтлик хитай хәлқ қурултийниң 3 - омуми йиғинида қурултай вәкиллириниң мутләқ көп қисминиң мақуллиғи билән қобул қилинған. Һечқандақ вәкил қанунға қарши чиқмиған .

Хитай баш министири вен җябав, дүшәнбә күни бейҗиңда мухбирларға бәргән баянатида, дөләтни парчилашқа қарши қанунниң мәқсиди тәйвән билән қайтидин бирлишишни риғбәтләндүрүштин ибарәт икәнликини тәкитләп, чәт дөләтләрни тәйвән мәсилисигә арилашмаслиққа агаһландурди .

Әмма, мәзкур қанунниң хитай хәлқ қурултий тәрипидин қобул қилинғанлиқи бир тәрәптин тәйвәнни ғәзәпләндүргән болса, йәнә бир тәрптин японийә вә америкини әндишиләндүрди.

Америка һөкүмити дүшәнбә күни бир баянат елан қилип, хитай һөкүмитиниң тәйвәнниң мустәқиллиқ йолида ташлайдиған һәрқандақ қәдимини тохтитиш үчүн һәрбий күч ишлитидиғанлиқини билдүргәнлики, әпсуслинарлиқ бир һәрикәт, бу һәрикәт райондики вәзийәтни техиму җиддиләштүривитиши мумкин, деди .

Ақсарайниң баянатчиси скот макмилан дүшәнбә күни бәргән баянатида, " биз дөләтни парчилашқа қарши қанунниң қобул қилинғанлиқини әпсуслинарлиқ бир һәрикәт дәп қараймиз. Мәзкур қанунниң қобул қилинғанлиқи, тәйвән боғозида тинчлиқ вә муқимлиқниң давами үчүн пайдилиқ бир һәрикәт әмәс, деди. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.