Xitay xelq qurultiyi "döletni parchilashqa qarshi qanun" ni maqullidi


2005.03.14
Share on WhatsApp
Share on WhatsApp

Xitay xelq qurultiyi düshenbe küni, döletni parchilashqa qarshi qanun layihisini qobul qildi. Buningdin bir kün burun, xitay dölet re isi xu jintaw, xitay armiyisige milliy igilik hoquqini qoghdash üchün urushqa teyyar bolushini bildürgen idi.

Amérika birleshme agéntliqining béyjingdin xewer qilishiche, döletni parchilashqa qarshi qanuni 10 - nöwetlik xitay xelq qurultiyning 3 - omumi yighinida qurultay wekillirining mutleq köp qismining maqullighi bilen qobul qilin'ghan. Héchqandaq wekil qanun'gha qarshi chiqmighan .

Xitay bash ministiri wén jyabaw, düshenbe küni béyjingda muxbirlargha bergen bayanatida, döletni parchilashqa qarshi qanunning meqsidi teywen bilen qaytidin birlishishni righbetlendürüshtin ibaret ikenlikini tekitlep, chet döletlerni teywen mesilisige arilashmasliqqa agahlandurdi .

Emma, mezkur qanunning xitay xelq qurultiy teripidin qobul qilin'ghanliqi bir tereptin teywenni ghezeplendürgen bolsa, yene bir terptin yaponiye we amérikini endishilendürdi.

Amérika hökümiti düshenbe küni bir bayanat élan qilip, xitay hökümitining teywenning musteqilliq yolida tashlaydighan herqandaq qedimini toxtitish üchün herbiy küch ishlitidighanliqini bildürgenliki, epsuslinarliq bir heriket, bu heriket rayondiki weziyetni téximu jiddileshtüriwitishi mumkin, dédi .

Aqsarayning bayanatchisi skot makmilan düshenbe küni bergen bayanatida, " biz döletni parchilashqa qarshi qanunning qobul qilin'ghanliqini epsuslinarliq bir heriket dep qaraymiz. Mezkur qanunning qobul qilin'ghanliqi, teywen boghozida tinchliq we muqimliqning dawami üchün paydiliq bir heriket emes, dédi. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.