Teywendiki gomindang partiyisi chén shüybyenni wezipisidin élip tashlash chaqiriqini bashlidi

• 
  2006-06-07

Teywendiki öktichi partiye bolghan gomindang partiyisi charshenbe küni teywen prézidénti chén shüybyenni a'ilisidikilerning xiyanetchilik délolirigha chétilghanliqi sewebidin wezipisidin élip tashlash chaqiriqini otturigha qoydi.

Gomindang partiyisi, mezkur partiye re'isi ma yingjyuning rehberlikide charshenbe küni chén shüybyenni aghdurush toghrisida mexsus qanun layihisini tüzüp chiqqan. Bu layihe teywen parlaméntida bir meydan talash-tartish peyda qilishi mumkin.

Ma yingjyu chén shüybyen hökümitini xiyanetchi hökümet dep eyiblep, uning özlikidin wezipisidin istipa bérishi kéreklikini bildürdi. Gomindang partiyisining bu ipadisi chén shüybyenning ayali we küy'oghligha chétilghan xiyanetchilik weqesi otturigha chiqqandin kéyin téximu kücheygen.

Teywendiki démokratiye ilgharliq partiyisidin kélip chiqqan chén shüybyen, teywen musteqilliqini yaqlaydighanliqi üchün xitay hökümitining küchlük qarshiliqigha uchrap kelgen idi. Shundaqla xitay shu sewebtin teywendiki öktichi partiye gomindang partiyisi bilen bolghan munasiwetni yaxshilashqa tirishti hemde gomindang partiyisining bir qanche yuqiri derijilik rehberlirini xitayda kütüwaldi. (Peride)