Xitay hökümiti xongkongda rifirandum élip bérishni ret qildi

Xitay hökümiti xongkongdiki dimukratiyini yaqlaydighan siyasiy öktichiler otturigha qoyghan 2007 - yili xongkongda biwaste saylam élip bérish mesiliside rifirandum yeni xelqning rayini sinash élip bérish toghrisidiki teklipni ret qildi.

Amérika birleshme axbarat agéntliqining xewirige qarighanda, xitay hökümiti xongkongdiki 2 - nomurluq shexs zing yinchü'enning bu mesilidiki pozitsiyisini qollaydighanliqini bildürgen. Zing yinchü'en xongkongda rifirandum élip bérishni" emiliyetke uyghun emes" we "waqit israpchiliqi" dep körsetken idi.

Xongkongdiki dimukratchilar,xitay hökümitidin 2007 - yili xongkongning memuriy rayun bashliqini, 2008 - yili parlamént ezalirini xelq biwaste saylam arqiliq saylap chiqishigha ruxset qilishini telep qilmaqta. Bu munasiwet bilen yéqinda biwaste saylam ötküzüsh üchün xelqning rayini sinashni otturigha qoyghan idi. Biraq, xitay hökümiti buni ret qildi.

Xitay xelq qurultiyi bu yil 4 - ayda xongkongning asasiy qanunighatünji qétim chüshendürüsh bérip, xongkong xelqining xongkong memuriy rayun rehbiri we parlamént ezalirini biwaste saylam arqiliq wujudqa chiqirish heqqidiki teleplirini ret qilghan hemde memuriy bashliqning béyjing hökümiti teripidin belgilinidighanliqini körsetken idi. (Arzu)