Xitay, amérikining kishilik hoquqini eyiblidi


2005.03.03
Share on WhatsApp
Share on WhatsApp

Amérika tashqi ishlar ministirliqi düshenbe küni her qaysi döletlerning kishilik hoquq xatirisi heqqide doklat élan qilip, xitay hökümitining xelq'ara térrorchiliqtin paydilinip, Uyghur öktichilirini basturiwatqanliqini bildürgen hemde kishilik hoquqni dawamliq türde depsende qiliwatqanliqini körsetken idi.

Roytirs agéntliqining xewirige qarighanda, xitay dölet kabénti buninggha jawaben élan qilghan doklatida, amérika eskerlirining iraq türmisidiki mehbuslarni xarlash qilmishlirini alahide tilgha élip, "bu amérikidiki kishilik hoquqning qarangghu teripini échip béridu"dégen. Ular doklatta yene, bush hökümitining namratliq, milliy kemsitish qatarliq mesililerni yaxshi bir terep qilmighanliqini otturigha qoyghan.

Xitay hökümiti shundaqla amérikini özidiki éghir kishilik hoquq mesilisige diqqet qilishqa chaqirip, bashqa döletlerning kishilik hoquq weziyitini eyibleshni toxtutushni bildürgen.

Emma xitay hökümiti doklatta, amérika prézidénti jorj bush qatarliqlarning iraq türmisidiki xorlashlarni qattiq eyiblep, ziyankeshlikke uchrighanlardin epu sorighanliqini tilgha almighan we shundaqla weqege mes'ul amérika eskerlirining jazagha tartilghanliqini eskertmigen. Bir qisim pa'aliyetchiler, gerche amérikining kishilik hoquq saheside mesililer mewjüt bolsimu, biraq xitayningkidin tüptin perqlinidighanliqini bildürmekte. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.