Хитай компартийиси 16 - қурултийиниң 5 - омуми йиғини енергийә кризиси музакирә қилди


2005-10-10
Share

Бейҗиңда чақирилған хитай компартийиси мәркизи комитети 16 - қурултийиниң 5 - омуми йиғини йәкшәнбә күни хитай дуч келиватқан енергийә кризисини һәл қилиш мәсилилири бойичә музакирә елип барған. Кәлгүси 5 йил ичидә енергийә импортини кеңәйтиш, хитай ширкәтлириниң чәтәлдә нефит, тәбиий газ вә кан мәһсулатлириға мәбләғ селишини қоллашни оттуриға қоюп, енергийә йетишмәслик мәсилисини һәл қилиш пилани мақуллиған.

Нөвәттә хитай дуня бойичә америкидин қалса 2 - чоң нефит истимал қилидиған дөләткә айланди. Анализчиларниң тәкитлишичә, хитайниң енергийигә болған иһтияҗидики ешиш, нефит баһасиниң өрләп кетишини кәлтүрүп чиқармақта.

Хитай мәтбуатлирида даириләрниң уйғур аптоном районидики енергийә мәнбәәлирини ечиш пилани тоғрисида тохталмиди. Әмма йиғин башлиништин илгири хоңкоңда чиқидиған "вен хуй" гезити, компартийә мәркизи комитетиниң 11 - йиллиқ пиландики енергийә мәсилисигә даир бир доклатида, уйғур аптоном райони хитайниң тәбиий мәнбәәләр бихәтәрлики ролини ойнайдиған район, дәп атиғанлиқини тәкитлигән.

"Вен хуй" гезитиниң әскәртишичә, зең чиңхоңниңниң уйғур аптоном районидики зиярити хитайниң енергийә истратегийиси билән мунасивәтлик икән. Зең чиңхоң, хитайниң ғәрбни ечиш истратегийиси муһит қоғдиғучилар вә уйғур тәшкилатлириниң тәнқидигә учраватқан бир чағда, "уйғур аптоном райони җоңгониң муһим истратегийилик енергийә базиси болуп қалиду", дәп тәкитлигән иди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт