Xitay sehiye ministirliqi: jonggoda eydiz bilen yuqumlan'ghanlar 120 mingdin ashti


2005.10.14
Share on WhatsApp
Share on WhatsApp

Xitay sehiye ministirliqining élan qilishiche, bu yil 6 - ayda xitay boyiche eydiz wirusi bilen yuqumlan'ghanlar sani 126 ming 808 ge yetken bolup, bularning 28 ming 789 nepiri resmiy eydiz késilige giriptar bolghanlar iken.

Xitay sehiye ministirliqi yuqumluq késellerni kontrol qilish idarisining mu'awin bashliqi xé yang jüme küni xitayda hazirgha qeder 7375 kishining eydiz késili bilen ölgenlikini melum qildi. U, bu uchurlarni eydiz késilidin saqlinishni téma qilghan bir sen'et kéchilikining axbarat élan qilish yighinida jakarlighan.

Xitayning mu'awin sehiye ministiri wang longdé, bu yil 3 - ayda 2004 - yilning axirlirighiche xitayda eydiz wirusi bilen yuqumlan'ghanlarni 107 ming, resmi eydiz késellirini 24 ming, dep élan qilghan idi. Emma közetküchilerning tekitlishiche, bu san xitayda eydiz bilen yuqumlan'ghanlarning aran 12.7 % Igileydiken.

Xitay eydiz késilining jiddiy tehditige duch kelmekte. Bolupmu Uyghur aptonom rayoni xitay boyiche eydiz késili eng téz tarqawatqan rayon hésablinidu. Xé yangning ashkarilishiche, 1 - dikabir dunya eydiz küni munasiwiti bilen xitayda memliket boyiche eydizge qarshi sen'et - teshwiqat pa'aliyiti qanat yaydurulidiken. Bu pa'aliyetni b d t balilar fondi jem'iyiti, dunya sehiye teshkilati qatarliq organlar meblegh bilen teminligen.

Mutexessislerning perez qilishiche, eydiz wirusi bilen yuqumlan'ghanlar 840 ming etrapida bolup, resmi eydiz késelliri 80 minggha yétishi mumkin. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet