Amérika awam palata ezasi Frank Wolf xitay ziyaritining xulasisini élan qildi

Amérika awam palata ezasi Frank Wolf ötken heptidiki xitay ziyaritining xulasisini élan qildi. Doklatta, xitayning insan heqliri weziyitide qilchimu ilgirilesh bolmighanliqi, eksinche zor derijide chékinish yüz bériwatqanliqi otturigha qoyulghan.
Muxbirimiz jüme xewiri
2008.07.17
Share on WhatsApp
Share on WhatsApp

 Frank wolf aldinqi hepte xitayni ziyaret qilghan. Ziyariti dawamida, xitay xelq qurultiyining tashqi ishlar komitéti mes'uligha xitayda tutup turuluwatqan 734 neper siyasiy mehbusning tizimlikini tapshurghan we ularning qoyup bérilishini telep qilghan idi. Qoyup bérilishi telep qilin'ghanlar ichide 46 neper Uyghur siyasiy mehbusning tizimliki bar idi.

Frank wolfning bügünki doklatida, Uyghur musulmanlirining uzundin béri naheq jazalinip kéliwatqanliqi eskertilgen. Jorj bushning béyjing olimpikining échilish murasimigha qétilish qarari yene bir ret tenqid qilin'ghan doklatta, jorj bushning béyjinggha barghanda, insan heqliri mesiliside xitay terep bilen xupiyane emes belki xelqqe ashkara halette sözlishishni telep qilghan.

Frank wolf doklatida yene, béyjingdiki chéghida, amérika awazi qatarliq axbarat orunlirining tor bétige kirelmigenlikini, xitayning intérnét cheklimisini dawamlashturuwatqanliqini bayan qilghan.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.