Shirak xitaydiki ziyaritide kishilik hoquq mesilisidin özini qachurdi

Xitaydiki ziyaritining axirqi künini xongkongda ayaqlashturghan fransiye prézdénti jeks shirak, xitaygha qaratqan siyasitini yene bir qétim aqlidi hemde kishilik hoquq mesilisidin özini qachurdi.

Amérika birleshme axbarat agéntliqining xewiride körsitilishiche, shirak seyshenbe küni xongkong alahide rayon memuriy bashliqi dong jiyenxu'a bilen körüshüp, “ biz mesililerge ri'al we emliyette qandaq bolsa shundaq qarishimiz kérek” dédi.

Shirak yene dongjiyenxu'a bilen muxbirlarni kütiwélish yighini chaqirip, ikki terepning soda alaqisini téximu ilgiri sürüsh heqqide söz qildi. Shundaqla shirak xitaydiki ziyariti dawamida soda munasiwetni alahide tekitlep, kishilik hoquq mesilisidin özini tartip keldi.

Shirak peqet özining kishilik hoquq meydanini omumiyüzlük sherhilep, dunyaning herqaysi jayida kishilik hoquqni qoghdashni zörür dep qaraydighanliqini bildürdi. Shundaqla u yene, fransiyediki kishilik hoquq teshkilatlirining teliwi boyiche xitaygha biwaste kishilik hoquq mesiliside bésim ishletmestin, peqet xitaygha türmidiki siyasiy jinayetchilerning tizimlikinila sunup qoydi.

Fransiye prézdénti jeks shirak yene, yawropa birlikining xitaygha qoyghan qoral-sétip bermeslik jazasini bikar qilishqa köp chiqarghan bolsimu, lékin yawropa birliki buni téxi bikar qilmidi. (Peride)