Iran qatarliq 4 döletning rehberliri shangxey hemkarliq teshkilatining bashliqlar yéghinigha teklip qilinmaqchi


2006-05-16
Share

Xitay hökümiti seyshenbe küni, kéler ay shangxeyde ötküzülidighan shangxey hemkarliq teshkilatining bashliqlar yéghinigha, iran, pakistan, hindistan we mongghuliye rehberlirini teklip qilidighanliqini bildürdi. Ottura asiyadiki bixeterlik mesilisi bu yéghinning asasliq témisini teshkil qilidiken.

Xitay tashqi ishlar minstirliqining bayanatchisi lyu jyenchaw béyjingda muxbirlargha bergen bayanatida, shangxey hemkarliq teshkilati ezaliri, teshkilatning aldimizdiki ay ötküzülidighan bashliqlar yéghinigha, bu teshkilatta közetküchi bolghan dölet rehberlirini teklip qilish toghrisida qarar qobul qildi, dédi.

Nöwette iran, pakistan, hindistan we mongghuliye, xitay we rusiyining yétekchilikidiki shangxey hemkarliq teshkilatida közetküchi orun'gha ige. Emma yéqindin béri, xitay we rusiyining mezkur döletlerni teshkilatqa toluq eza qilip, shangxey hemkarliq teshkilatining tesir da'irisini kéngeytishke tirishiwatqanliqi toghrisida xewerler chiqqan idi.

Shangxey hemkarliq teshkilatining deslepki nishani, térrorchiliq, diniy esebilik we bölgünchilkke qarshi turush idi. Lékin yéqinda siyasiy, iqtisadiy we medeniyet mesililirimu teshkilatning asasliq nishani arisigha kirgüzüldi.

Xitayni ziyaret qiliwatqan rusiye tashqi ishlar ministiri sirgi lawrof düshenbe küni béyjingda muxbirlargha bergen bayanatida, shangxey hemkarliq teshkilatida közetküchi orun'gha ige döletlerni we afghanistanni teshkilatqa toluq eza qilish mesilisini muzakire qiliwatimiz, dédi.

Bezi siyasiy mulahizichiler, shangxey hemkarliq teshkilatining asasliq meqsiti, amérikining afghanistan we iraq urushidin kéyin,ottura asiya rayonida kéngiyiwatqan tesir küchige taqabil turushtin ibaret, déyishmekte. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet