Xitay kishilik hoquqni közitish teshkilatining dokilatidiki tenqidlerni ret qildi

Xitay tashqi ishlar ministirliqi seyshenbe küni bayanat élan qilip, kishilik hoquqni közütüsh teshkilatining "dunya miqyasidiki térrorizmgha qarshi turush urush, xitay hökümitige Uyghurlarning diniy étiqat erkinlikini basturush üchün qaltis purset yaratqanliqi" toghrisidiki doklatini ret qildi.

Kishilik hoquqni közütüsh teshkilatining doklatida, "eng tinch usullar bilen élip bérilghan diniy ibadetlerni qobul qilalmighan partiye we hökümet, dindarlarni qolgha élish, ten jazasi bérish shundaqla ölüm jazasi bilen jazalimaqta ," dep körsetken. Amma xitay tashqi ishlar ministirliqining bayanatchisi chin gang, kishilik hoquqni közütüsh teshkilati béyjingning shinjangdiki siyasitini "astin - üstin" qilip körsetken, dep eyiplidi.

Chin gangning tekitlishiche, xitayning Uyghurlargha tutqan siyasiti étnik we diniy asaslargha tayanmaydiken. U mundaq deydu: " shinjangdiki milletler asasi qanun boyiche diniy étiqat erkinlikige ige. Ular diniy ibadet erkinlikini öz ichige alghan barliq hoquqlardin behriman boliwatidu." Amma chin gang sherqiy türkistan herikitini xelq'ara térorizimning bir qisimi, dep tekitlidi.

Közütüsh teshkilati, "da'iriler térrorizmni ichki - tashqiy istimalda qollinip , éghir jazalarni atalmish bölgünchilerning herikitige qarshi qollanmaqta," dep eskertken . Kishilik hoquqni közütüsh teshkilatining doklatida körsitilishiche, xitaylar islamni Uyghur milliy kimlikining küchiyishidiki asas, dep qarap, Uyghur milletchilikidiki islam amillirini boghmaqtiken. Amma chin gang, " biz térrorizim bilen diniy we étnik mesililerni arlashturuwetmeslikimiz kérek," dep körsetti. (Erkin)