Хитай һөкүмити сәзгүр тор бәтләрни тосимақта


2005.04.15

Америкида йеңидин елан қилинған бир тәкшүрүш доклатидин ашкарилинишичә, хитай һөкүмитиниң интернетни контрол қилиш вастилири барғансири " ғәлибә" қазанмақта икән.

Мәзкур доклат, америкиниң харворд, канаданиң торонто вә әнглийиниң кәмбириж университетидики тәтқиқатчи хадимларниң тәкшүрүш нәтиҗилири асасида чиқирилған.

Доклатта көрситилишичә, хитай һөкүмитиниң интернетни контрол қилиш техникиси барғансири илғарлишип, тор бәтләрдин һәтта сәзгүр сиясий мәзмунларни бирму- бир тазилап чиқириветәләйдиған сәвийигә йәткән.

Доклатта ейтилишичә, хитай һөкүмити бу хил васитиләрдин пайдилинип, пуқраларниң фалүнгуң, далай лама вә тйәнәнмин вәқәси қатарлиқ сәзгүр темилардики муназирилирини тосимақта. Доклатта йәнә, харворд университеттики мәзкур тәкшүрүшни елип барған бир мутәхәссисниң сөзи нәқил кәлтүрүлүп "гәрчә интернәт техникиси учқандәк тез тәрәққий қиливатқан болсиму, әмма хитай дунядики һәр қандақ дөләткә қариғанда, техиму мувәппәқийәтлик һалда интернетни сүзмәктә" дейилгән. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.