Amérika intérnét bixeterlik shirkiti xitayni intérnét jasusluqi bilen eyiplidi


2007-11-30
Share

Merkizi nyuyork shehiridiki amérika yumshaq détallar bixeterlik shirkiti McAfee, xitay da'irilirini intérnét alaqisidin paydilinip jasusluq heriketliri élip bérish bilen eyiblidi. Mezkur shirket peyshenbe küni élan qilghan doklatida, xitay da'irilirini intérnét jasusluqi bilen eyiblepla qalmay, intérnét soghuq munasiwetler urushining aldinqi sépide turmaqta, dep eyibligen.

Doklatta eskertishiche, xitay intérnét jasusluqi bilen shughullinidighan dunyadiki 120 dölet ichide eng aktip orunda turmaqta. Doklatta yene, xitayning ötken bir yilda amérika , gérmaniye, hindistan qatarliq döletlerning hökümet organliridiki tor betlirige hujum qilish bilen eyiblen'genlikini eskertti. Lékin xitay da'iriliri McAfee shirkitining doklatidiki bayanlarni ret qilip, junggo intérnét séstimisi bashqilarning hujumigha uchrawatqanliqini ilgiri sürgen bolsimu, lékin xitay tashqiy ishlar bayanatchisi qaysi döletning hujumigha uchrawatqanliqini tilgha almidi.

Doklatta, xitay hökümet metbu'atlirining bu heqtiki xewerlirini neqillep, bu xewerlerde béyjing hökümiti intérnét jasusluqida hökümetning oynighan rolini étirap qilghan, dep yazdi. Doklatta yene, amérika herbiy mutexessislirining "xitay dunyada intérnétni hujum qorali süpitide herbiy meqsetler üchün 1 - qétim qollan'ghan dölet " dégen sözini alahide tekitligen. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet