Iraqta yüz bergen hujumlarda az dégende 90 adem qaza qildi

Shenbe we yekshenbe künliri, iraqta yene bir qatar partlash weqeliri yüz bérip, az dégende 90 adem qaza qildi. Bomba qachilan'ghan kozupluq bir mashina, iraqtiki sün'iy musulmanlar meschitining yénida partlap, az dégende 40 ademning ölümini 60 ademning yarilinishini meydan'gha keltürdi. Mezkür partlash weqesi iraqning gherbiydiki baghdatqa yéqin xabaniya shehiride yüz bergen.

Bu arida zorawan küchler , baghdat ayrudurumining yénidiki bir tekshürüsh ponkitigha hujum qilip, 8 neper iraq saqchisini öltürgen. Saqchilarning bildürishiche, toqunush dawamida az dégende zorawan küchliridin ikkisi öltürülgen.

Buningdin sirt, baghdattiki iran elchixanisigha yéqin jayda mashina partiltish weqesi yüz bérip, yoldin ötüp kétiwatqan ikki kishi hayatidin ayrilghan , iraq saqchiliri yene baghdattiki bir ali mektepning aldida yüz bergen özini öltürwilish xarektirlik partiltish hujumida az dégende 40 ademning qaza qilip, 30 nechche ademning yarilan'ghanliqini bildürdi.

Iraqta yüz bergen bu toqunushlardin bir nechche kün ilgiri, iraq ministiri nuriy el maliki": baghdatta élip bérilghan bixeterlik tedbirliridin kéyin, mezhepler arsidiki öltürüsh, görege élish heriketliri xéli azaydi" digen bolup, u sözide yene, köpligen qoralliq küchli'irning baghdattin ayrilghanliqini, 2 ‏- ayning 14 ‏- künidin buyan hazirgha qeder 426 neper qoralliq qarshiliq körsetküchi gumandarlarning qolgha élin'ghanliqini tekiligen idi.

Nöwette amérika herbiy qomandanliq shitabi, iraq eskerlirining özliri bilen birlikte élip bériwatqan hemkarliq herketliridin intayin memnun ikenlikini bildürmekte. (Eqide)