Kandiliza rayis xitaydiki siyasiy öktichilerni qoyup bérishni alahide tekitlidi


2008.02.28

Béyjing olimpik tenheriket yighini harpisida, her qaysi döletler kishilik hoquq weziyitini yaxshilash toghrisida xitay hökümitige qaratqan bésimini kücheytmekte.

Amérika tashqi ishlar minstiri kandiliza rays charshenbe küni bergen bayanatida, béyjingda xitay tashqi ishlar minstiri yang jéchi bilen élip barghan uchrishishliri jeryanida, kishilik hoquqning xitaydiki weziyiti we türmide yétiwatqan siyasiy öktichilerni qoyup bérish qatarliq mesililerni muhim téma süpitide otturigha qoyghanliqini bildürdi.

Rays seyshenbe küni béyjingda xitay tashqi ishlar minstiri bilen birlikte ötküzgen muxbirlarni kütüwélish yighinda, " men minstirgha kishilik hoquq we diniy erkinlikning xitaydiki weziyiti heqqidiki qayghu we endishilirimizning dawam qiliwatqanliqini tekitlidim" dégen idi.

Bu arida, xitayda ziyarette boluwatqan en'giliye tashqi ishlar minstiri déwid miliband peyshenbe küni béyjingda bergen bayanatida, xitay rehberliri bilen élip barghan söhbetliride kishilik hoquq mesilisining muhim téimini teshkil qilghanliqini tekitlidi.

Miliband, xitay tashqi ishlar minstiri yang jéchi bilen uchrishishidin kéyin, uning bilen birlikte ötküzgen muxbirlarni kütüwélish yighinida bergen bayanatida, "bu qétim ziyaritim jeryanida shuningdek bügün etigen tashqi ishlar minstiri yang jéchi bilen élip barghan söhbitimizde dawamliq kishilik hoquq mesilsini muhim mesile süpitide otturigha qoydum" dédi. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.