Kishilik hoquq teshkilati, xitayni kishilik hoquqta özgürüsh yasashqa chaqirdi

Xelq'ara kishilik hoquq közitish teshkilati 24 - awghust küni, xitay hökümitidin 2008 - yili béyjingda ötküzülidighan olimpik tenterbiye musabiqisighiche,xitayning kishilik hoquqida özgirish yasishini telep qildi.

29 - Awghust küni, géritsiyede, olimpik tenterbiye musabiqining yépilish murasimi ötküzülüp, béyjing shehirining wekili olimpik tenterbiye musabiqisining bayriqini tapshurup alidu.

Xelq'ara kishilik hoquq közitish teshkilati, asiya bölümining mudiri yadangning éytishiche , xitay xelq'araliq olimpik tenterbiye musabiqisini ötküzüsh üchün nurghun mes'uliyetni zimmisige élishi kérek , eger xitayda kishilik hoquq mesilisi dawamliq nacharlashsa, xitay xelq'ara teshkilatlarning tenqidige uchraydu.

Xelq'ara kishilik hoquq közitish teshkilati teripidin tesis qilin'ghan "xitay olimpik közitish" tor béti, xitay hökümiti éntérnet we metbu'atlar üstidiki nazaretni bikar qilishi kéreklikini , ishchilarning erkin teshkilat we ishchilar uyushmisi qurushigha yol qoyushi kéreklikini shundaqla yene olimpik qurulushi jeryanida ahalining köchüsh hoquq - menpe'etige kapaletlik qilish kéreklikini otturigha qoydi. (Eqide)