ھىندىستان پۇتبول چولپىنى بېيجىڭ ئولىمپىك مەشئىلىنى توشۇشنى رەت قىلدى
2008.04.01
ئامېرىكا بىرلەشمە ئاگېنتلىقىنىڭ خەۋەر قىلىشىچە، ئولىمپىك مەشئىلى ھىندىستانغا يېتىپ كەلگەندە، ئۇنى ھىندىستاننىڭ پۇتبول چولپىنى بايچۇڭ بۇتىيانىڭ توشۇيدىغانلىقى پىلانلانغان ئىكەن.
ئەمما، بايچۇڭ بۇتىيا سەيشەنبە كۈنى ھىندىستاننىڭ پايتەختى يىڭى دېھلىدە مۇخبىرلارغا بەرگەن باياناتىدا، خىتاي ھۆكۈمىتىنىڭ تىبەتتىكى باستۇرۇشىنى قاتتىق ئەيىبلەيدىغانلىقىنى ۋە بېيجىڭ ئولىمپىك مەشئىلىنى قولىغا ئالمايدىغانلىقىنى بايان قىلغان.
بايجۇڭ بۇتىيا، خىتاي ھۆكۈمىتىنىڭ تىبەتتىكى باستۇرۇشىغا نارازىلىق بىلدۈرۈش ئۈچۈن، بېيجىڭ ئولىمپىك مەشئىلىنى توشۇشنى رەت قىلغان دۇنيادىكى تۇنجى ئاتاغلىق تەنھەرىكەتچى ھېسابلىنىدىكەن.
بۇ ئارىدا، چەتئەللەردىكى تىبەتلەر، خىتاي ھۆكۈمىتىنىڭ تىبەتتىكى باستۇرۇشىغا قارشى نارازىلىق ھەرىكەتلىرىنى داۋاملاشتۇرۇۋاتقان بىر پەيتتە، خىتاي ھۆكۈمىتى، تىبەت مۇستەقىلچىلىرىنىڭ " ئۆزىنى ئۆلتۈرۈۋېلىش خاراكتېرلىك ھۇجۇملار ئېلىپ بېرىش " نى پىلانلاۋاتقانلىقىنى بىلدۈردى. خىتاي جامائەت خەۋپسىزلىك مىنستىرلىقىنىڭ باياناتچىسى، ۋۇ خېپىڭ، سەيشەنبە كۈنى بېيجىڭدا ئۆتكۈزۈلگەن مۇخبىرلارنى كۈتۈۋېلىش يىغىنىدا، بىز ئىگىلىگەن ئۇچۇرلارغا قارىغاندا، تىبەت مۇستەقىلچى كۈچلىرىنىڭ بۇندىن كېيىنكى پىلانى، قانلىق ھۇجۇملار ئېلىپ بېرىش ئۈچۈن، ئۆزىنى ئۆلتۈرۈۋېلىش خاراكتېرلىك ھۇجۇملارنى يولغا قويۇشتىن ئىبارەت دېگەن.
لېكىن، تىبەت تەشكىلاتلىرى، تىبەتلەرنىڭ كۆرىشىنى تىنچلىق بىلەن ئېلىپ بارىدىغانلىقىنى تەكىتلەپ، خىتاي ھۆكۈمىتىنىڭ بۇ باياناتىنى پۈتۈنلەي رەت قىلدى. (ئۆمەر قانات)
مۇناسىۋەتلىك ماقالىلار
- ئولىمپىك مەشئىلىنى قارشى ئېلىش پائالىيىتى ئېغىر بىخەتەرلىك تەدبىرلىرى ئاستىدا ئېلىپ بېرىلدى
- بەزى ياۋروپا دۆلەتلىرى بېيجىڭ ئولىمپىكىنىڭ ئېچىلىش مۇراسىمىنى بايقۇت قىلىدىغانلىقىنى جاكارلىدى
- ئامېرىكا خىتاينىڭ تىبەتتىكى تەكشۈرۈش ئۆمىكىگە قاتنىشىش تەكلىپىنى تاپشۇرۇۋالدى
- خىتاي، ئولىمپىك يىغىنىنىڭ مەشئەل يېقىش مۇراسىمىدىكى پاراكەندىچىلىكنى ئەيىبلىدى
- ئولىمپىك مەشئىلىگە ئوت يېقىش مۇراسىمى كىشىلىك ھوقۇق ئورگانلىرىنىڭ قارشىلىقىغا دۇچ كەلدى
- تىبەتتە يۈز بەرگەن توقۇنۇشقا تۈركىيە مەتبۇئاتلىرىدا كەڭ كۆلەمدە يەر بېرىلدى
- خەلقئارا جامائەت خىتاي ھۆكۈمىتىنىڭ تىبەتلىك نامايىشچىلارنى باستۇرغانلىقىنى ئەيىبلىمەكتە
- خىتاي دۆلەت بايرىقى چەتئەلدە ئىككىنچى قېتىم يىقىتىلدى
- خىتاي تىبەت پائالىيەتچىلىرىگە ۋە دالاي لامانىڭ قوللىغۇچىلىرىغا تەھدىت سالدى
- تىبەتتە يۈز بەرگەن توقۇنۇشتا 200 دىن ئارتۇق ئادەم قولغا ئېلىندى
- ئىككى نەپەر تىبەتلىك خىتاي ھۆكۈمىتىگە بولغان نارازىلىقىنى ئۆزىنى ئۆلتۈرۈۋېلىش يولى بىلەن ئىپادىلىدى