Хитай мәтбуат саһәсини тазилимақчи


2007-01-07
Share

Хитай шинхуа агентлиқиниң хәвиридә көрситилишичә, хитай ахбарат мәтбуат башқармисиниң муавин башлиқи ляв шәнбә күни, "төтинчи нөвәтлик җоңго мәдәнийәт мәһсулати йиғинида " сөзләп "йеқиндин буян хитай мәдәнийәт, ахбарат саһәсидә сериқ мәзмунлар ямрап, көптүрүлгән сахта әсәрләр көпийип, ахбарат һәмдә иҗтимаий пән саһәсиниң қиммитини төвәнләтмәктә, мәдәнийәт йеник бир һаләткә келип қалди" дәп көрсәткән.

Хитай ахбарат мәтбуат башқармисиниң муавин башлиқи ляв йәнә хитай мәдәнийәт министирликиниң мәдәнийәт һәмдә ахбарат саһәсидә давам қиливатқан бу бузулушни түзәш үчүн җидди тәдбир елишқа чақирған.

Лявниң көрситишичә әдәбият һәмдә ахбарат әсәрлирини баһалап елан қилғанда әхләтни айрип бир тәрәп қилиш билән тәң мәдәнийәт сәнәт саһәсиниң тәбиий йосунда тәрәққий қилишиға тосқунлуқ қилмаслиқни тәшәббус қилған. Бәзи әркин язғучиларниң ипадилишичә гәрчә хитай һөкүмити мәтбуат саһәсидә қаттиқ контрол қилип йәнә хаһишини әркин ипадә қилғучиларни шундақла хитай һөкүмитини тәнқид қилғучи яки наразилиқ ипадилигүчи язғучиларни бастуруп келиватқан болсиму әмма мәдәнийәт саһәсини булғаватқан һәқиқий әхләт йәни сериқ мәзмундики мәдәнийәт һадисилирини тәртипкә селишқа унчә әһмийәт бәрмәй кәлмәктә икән. (Гүлчеһрә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт