Сахта диплом нәччә миңлиған оқуғучиларниң наразилиқини қозғиди

Җяңши өлкисидики икки хусуси иниститутниң оқуғучилири, мәктәп даирилири үстидин наразилиқ билдүруп намайиш елип барғандин кейин, сақчиларниң қаттиқ бастурушиға учриди.

Хитай мәтбуатлириниң ашкарилишичә, бу вәқә җяңши өлкилик кийим - кечәк лайиһиләш иниститутиниң дөләт етирап қилмиған "сахта унван кинишкиси" тарқитиш дилосиға мунасивәтлик болуп, бу сәвәблик өзлириниң алданғанлиқини һес қилған нәччә миңлиған оқуғучи наразилиқ намайиши өткүзүш билән биргә, мәзкүр мәктәпниң мал - мулүклирини вәйран қиливәткән.

Хәвәрләргә қариғанда, оқуғучилар йәнә, 29 ‏- өктәбир күни нәнчаң шәһиридики он мәктәпниң оқуғучилирини кәң көләмлик бир намайиш елип беришқа чақирған, нөвәттә җяңши даирилири буйруқ чүшүрүп, 5000 аманлиқ сақчисиниң дәм елиш күнлирини бикар қилип, оқуғучилар үстидин елип берилидиған назарәтни күчәйтишни қарар қилған.

21 ‏- Өктәбир вә 24 ‏- өктәрбир күнлири арқа - арқидин чиққан икки қетимлиқ тоқунушта, аз дигәндә 20 адәм яриланған 5 адәм қолға елинған.

Хоңкоң димократик мәркизиниң билдүришичә, җяңшида қайта партлаш еһтималлиқи юқири болған оқуғучилар һәрикитидә , 10 мәктәптики 60 миң оқуғучидин 10 миңи хитай болмиған милләтләрдин тәркип тапқан икән. (Әқидә)