Saxta diplom nechche minglighan oqughuchilarning naraziliqini qozghidi

Jyangshi ölkisidiki ikki xususi inistitutning oqughuchiliri, mektep da'iriliri üstidin naraziliq bildürup namayish élip barghandin kéyin, saqchilarning qattiq basturushigha uchridi.

Xitay metbu'atlirining ashkarilishiche, bu weqe jyangshi ölkilik kiyim - kéchek layihilesh inistitutining dölet étirap qilmighan "saxta unwan kinishkisi" tarqitish dilosigha munasiwetlik bolup, bu seweblik özlirining aldan'ghanliqini hés qilghan nechche minglighan oqughuchi naraziliq namayishi ötküzüsh bilen birge, mezkür mektepning mal - mulüklirini weyran qiliwetken.

Xewerlerge qarighanda, oqughuchilar yene, 29 ‏- öktebir küni nenchang shehiridiki on mektepning oqughuchilirini keng kölemlik bir namayish élip bérishqa chaqirghan, nöwette jyangshi da'iriliri buyruq chüshürüp, 5000 amanliq saqchisining dem élish künlirini bikar qilip, oqughuchilar üstidin élip bérilidighan nazaretni kücheytishni qarar qilghan.

21 ‏- Öktebir we 24 ‏- ökterbir künliri arqa - arqidin chiqqan ikki qétimliq toqunushta, az digende 20 adem yarilan'ghan 5 adem qolgha élin'ghan.

Xongkong dimokratik merkizining bildürishiche, jyangshida qayta partlash éhtimalliqi yuqiri bolghan oqughuchilar herikitide , 10 mekteptiki 60 ming oqughuchidin 10 mingi xitay bolmighan milletlerdin terkip tapqan iken. (Eqide)