Хунәндики амма һөкүмәткә қарши намайиш қилди


2007.03.12
Share on WhatsApp
Share on WhatsApp

Ройтерс агентлиқиниң 12 ‏- марттики хәвиригә қариғанда, оттура хитайдики миңлиған хитай деһқан вә бошитивитилгән ишчилар намайиш қилған. Намайиш җәрянида улар сақчиларға һуҗум қилип, сақчи машинилирини бузуп чаққан. Йәрлик әмәлдарларниң билдүрүшичә, бу бурун болуп өткән зораванлиқ түсини алған бир йоруш намайишларниң бир қисми икән.

Өткән җүмә күни хунәндә йүз бәргән бу намайиш җәрянида 9 данә сақчи машиниси көйдүрүлгән болуп, 20 миңға йеқин намайишчи амма, милтиқ вә ток калтәкләр билән қоралланған 1000 ға йеқин сақчи билән тоқунушқан.

Хунәндики бир һөкүмәт хадими ройтерс агентлиқиниң мухбириға бәргән телефун зияритидә "амма һөкүмәтниң бәзи қилмишлиридин рази болмиғачқа бу намайишини қилған" дәйду.

Мәркизи чәтәлдики инсан һәқлири тор бити бошун ториниң мәлуматиға қариғанда, бу намайишниң партлишидики асаслиқ сәвәбләр болса, аммивий қатнаш һәққиниң өсүп кетиши икән.

Хунән һөкүмәт хадиминиң ийтишичә намайиш тинҗитилған вә нурғунлиған намайишчилар қолға елинған болуп, һөкүмәт тәрәп бу намайишни тәшкиллигүчиләрни изләвитипту.

Хитайда үзлүксиз кеңийиватқан бай-кәмбәғәллик пәрқи, чириклик вә һөкүмәт әрбаблириниң һоқуқини қалаймиқан ишлитиши қатарлиқлар хитайда барғанчә көпийиватқан намайиш вә топилаңларни пәйдақилидиған асаси амиллардур.

Хитай һокүмитиниң мәлуматиға асасланғанда, өткән йили хитайда, тәшвиқат вариқи чаплаш, дава-мураҗәтләр вә намайиш қатарлиқларни өз алған 23миң қетимдин артуқ "вәқә" йүз бәргән икән. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.