Yaponiye: xitay hökümiti xitaydiki yaponiyiliklerning bixeterlikige mes'ul bolushi kérek


2005.04.11
Share on WhatsApp
Share on WhatsApp

Yaponiye bash ministiri yunichiro koyzomi düshenbe küni béyjing hökümitini xitaydiki yaponiyige qarshi heriketlerning aldini élishqa chaqirdi.

Yaponiye xitay munasiwetliri kündin - kün'ge nacharlishiwatqan bolup, xewerlerge qarighanda, nöwette xitaydiki yaponiye soda shirketliri qoralliq saqchilar teripidin qoghdilidiken. Shenbe küni béyjingda minglighan kishi yaponiyige qarshi namayish ötküzüp, botulka we tashlar bilen béyjingdiki yaponiye bash elchixanisigha hujum qilip, béyjingdiki yaponiye réstoranlirining xadimlirini qattiq haqaretligen shundaqla xelqini yaponiye tawarlirini bayqut qélishqa chaqirghan.

Yaponiye bash ministiri koyzomi tokyoda muxbirlargha bergen bayanatida, "bundaq weqeler qet'iy yüz bermesliki kérek. Men xitay hökümitining bundaq weqelerning qaytidin yüz bérishining aldini élish üchün pütün térishchanliqini körsitishini ümid qilimen" dédi.

Yaponiyige qarshi namayishlar deslepte béyjingdiki mektep oqughuchiliri teripidin yaponiyidiki derslik kitablirigha qarshi élip bérilghan idi. Namayishchilarning éytishiche, yaponiyidiki derslik kitabliridin yaponiyining ikkinchi dunya urushi jeryanida ötküzgen jinayetliri chiqiriwétilgen iken.

Béyjingdiki mektep oqughuchiliri teripidin élip bérilghan namayishlar, qisqighina waqit ichide yaponiyige qarshi keng kölemlik namayishlargha aylandi. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.