Дунядики чоң нефит ширкәтлири хитай нефит базарлириға кирди


2007-02-26
Share

Базар көзәтчилик ториниң билдүрүшичә, дунядики нопузлуқ нефит ширкәтлиридин, ексон мобил вә сәуди арамко ширкити хитайниң базириға кирди.

Бу ширкәтләр хитайниң дөвиләт игидарчилиқидики хитай нифитчилик (сино пәк) ширкити билән келишим имзалап, фуҗйән өлкисиниң нефит пишшиқлап ишләп чиқириш иқтидарини күчәйтиш вә запчаслирини йеңилаш бәдилигә вә дунядики еһтияҗи әң тиз ешиватқан енергийә базириға кирмиди.

Ексон - дунядики әң чоң нефит ширкитиниң мөлчәрлишичә, дуняниң енергийә еһтияҗи 2030 йилғичә 60 пирсәнт әтрапида өрләйдикән. Бу еһтияҗиниң зор бир бөлики тәрәққи қиливатқан дөләтләрдин, болупму һиндистан вә хитайдин келидикән.

Әң йеңи келишим, нефит-химийә завути қуруш, аптомобил йеқилғулирини базарға селиш қатарлиқ түрләрни өз ичигә алған болуп, бу, хитайниң базарға селиш вә пишшиқлап ишләш толуқ бирләштүрүлгән һәмкарлиқ түри җәһәттә чәтәл нефит ширкәтлири билән тунҗи қетим шериклишиши болуп һесаблинидикән.

Бу қурулуш фуҗйән нефит айриш завутиниң күндилик ишләш иқтидарини 80 миң туңдин 240 туңға йәткүзүшни планлаватқан болуп, бу завутниң йүрүшләшкән айриш техникиси сәуди әрәбистанниң еғир вә аччиқ хам нефитини дезил вә бензин қатарлиқ йеник мәһсулатларға айрийдикән. Бу қурулушлар 2009 - йили рәсмий башлинидикән. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт