Dunyadiki chong néfit shirketliri xitay néfit bazarlirigha kirdi

Bazar közetchilik torining bildürüshiche, dunyadiki nopuzluq néfit shirketliridin, ékson mobil we se'udi aramko shirkiti xitayning bazirigha kirdi.

Bu shirketler xitayning döwilet igidarchiliqidiki xitay nifitchilik (sino pek) shirkiti bilen kélishim imzalap, fujyen ölkisining néfit pishshiqlap ishlep chiqirish iqtidarini kücheytish we zapchaslirini yéngilash bedilige we dunyadiki éhtiyaji eng tiz éshiwatqan énérgiye bazirigha kirmidi.

Ékson - dunyadiki eng chong néfit shirkitining mölcherlishiche, dunyaning énérgiye éhtiyaji 2030 yilghiche 60 pirsent etrapida örleydiken. Bu éhtiyajining zor bir böliki tereqqi qiliwatqan döletlerdin, bolupmu hindistan we xitaydin kélidiken.

Eng yéngi kélishim, néfit-ximiye zawuti qurush, aptomobil yéqilghulirini bazargha sélish qatarliq türlerni öz ichige alghan bolup, bu, xitayning bazargha sélish we pishshiqlap ishlesh toluq birleshtürülgen hemkarliq türi jehette chet'el néfit shirketliri bilen tunji qétim shériklishishi bolup hésablinidiken.

Bu qurulush fujyen néfit ayrish zawutining kündilik ishlesh iqtidarini 80 ming tungdin 240 tunggha yetküzüshni planlawatqan bolup, bu zawutning yürüshleshken ayrish téxnikisi se'udi erebistanning éghir we achchiq xam néfitini dézil we bénzin qatarliq yénik mehsulatlargha ayriydiken. Bu qurulushlar 2009 - yili resmiy bashlinidiken. (Jüme)