Xitayda 100 milyon kishi nérwa késellikining azabini tartmaqta

Mutexessisler xitayda her 13 ademning biri rohiy késelge giripdar bolghanliqini élan qilip, xitay buyiche 100 milyon kishi rohiy késellikining azabida yashimaqta, dep körsetti. Xitay tibbiy penler jem'iyiti nérwa késellikler bölümining mutexessisi jang mingyüenning eskertishiche,mezkur jem'iyet xitayning bir qisim rayonlirida tekshürüsh élip barghandin kéyin bu xulasini chiqarghan.

Shinxu'a axbarat agéntliqi, xébéyda 18 yashtin yuqiri24 ming kishi üstide tekshürüsh élip bérilghanliqini we tekshürüshke qatnashqan her 1000 adem ichide 47.140 Kishining rohiy késel ikenliki bayqalghanliqini bildürdi. Sichüende 5 uniwérsitétning oqughuchilirini tekshürgen we tekshürüshke qatnashqan oqughuchilarning 6.14 Pirsentide rohiy késellik bayqalghan. Sendungda yéza - kent puqralirining 1.6 Pirsenti rohiy késel bolup chiqqan. Xitay hökümiti 1993 - yili memliket boyiche 16 milyon rohiy késeller bimari barliqini élan qilghan idi.

Shinxu'a axbarat agéntliqi, xitay mutexessislirining Uyghur aptonom rayonida tekshürüsh élip barghan yaki barmighanliqini we élip barghan bolsa netijisi qandaq bolghanliqini tilgha almidi. Xitayning mu'awin sehiye ministiri chén shyawxongning eskertishiche, xitayda 2005 - yili tibbiy xirajetning 20 % rohiy késellerni dawalashqa ketken. (Erkin)