Xitay olimpik mezgilide namayishchilar üchün mexsus orun ayrimaqchi

Birleshme axbarat agéntliqining xewer qilishiche, xitay bügün olimpik mezgilidiki namayishlar üchün olimpik meydanigha yéqin etrapta orun ayriydighanliqini bildürgen. Béyjing olimpik komitétining bixeterlik ishliri mes'uli Liu Shaowu bügün bu heqtiki bayanatida, hazirgha qeder olimpik meydanigha yéqin bolghan üch baghchini namayishchilar rayoni qilip békitkenlikini bildürgen.
Muxbirimiz shöhret hoshur xewiri
2008.07.23

Liu Shaowu Yéqin ariliqta dep körsetken bu 3 baghcha, olimpik meydanliridin 3 we 5 kilométir uzaqliqta. Liu Shaowu Bayanatida yene, namayishchilarning namayishtin awwal iltimas sunup ruxset élishi kéreklikini uqturghan. Muxbirlar hazirgha qeder namayish üchün iltimas qilghanlarning bolghan ‏ - bolmighanliqini sorighanda, u bu so'alni jawabsiz qaldurghan.

Xitayning namayishchilargha mexsus orun ayriydighanliqi heqqide bayanat bérishi olimpik mezgilide héch bolmighanda, qeghez yüzide bolsimu namayishning cheklenmeydighanliqini körsetmekte. Emma xitayning otken hepte élan qilghan qa'ide - tüzümliri olimpik mezgilide namayishning mümkinsizlikidin bisharet bergen idi. Bolupmu chet'ellerdiki insan heqliri pa'aliyetchilirige we öktichi zatlargha wiza bermesliki bu bisharetni küchlendürgen idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.