Б д т хитайдин намайишчиларни оққа тутуш вәқәсини чүшәндүрүшни тәләп қилди


2005.12.20
Share on WhatsApp
Share on WhatsApp

Бирләшкән дөләтләр тәшкилатидики қанунсиз оққа тутуш әһвалини тәкшүрүш ишлириға мәсул хадим филип алстон сәйшәнбә күни хитай һөкүмитигә хәт йезип, улардин сақчиларниң гуаңдуңдики намайишчи пуқраларни оққа тутуш вәқәси һәққидә техиму тәпсилий мәлумат беришни тәләп қилди.

Ройтерс агентлиқиниң хәвәр қилишичә, 6‏-декабир күни гуаңдуңниң шәнвей шәһири дуңҗу кәнтидә сақчилар намайишчиларни қораллиқ бастурғандин кейин, хитай һөкүмити бу вәқәдә 3 кишиниң өлгәнликини җакарлиди. Әмма дуңҗудики аһалиләрниң мәлум қилишичә, сақчилар аз дегәндә 20 нәччә кишини етип өлтүргән. Әгәр бу сан ениқланса, у һалда бу 1989 ‏- йилидики тйәнәнмен вәқәсидин буянқи, хитай бихәтәрлик хадимлириниң хәлққә қаратқан чоң көләмлик қораллиқ һуҗуми һесаблиниду.

Б д т ниң бир нәпәр баянатчисиниң билдүрүшичә, филип алстон буниңдин бир һәптә бурунму хитай һөкүмитигә охшаш хәт йезип, бу вәқә һәққидә тәпсилий учур беришни тәләп қилған һәмдә бу һәқтики учурларни уларға хитайниң җәнвәдики депломатийә гуруппилири арқилиқ йәткүзүшни сориған. Лекин хитай һөкүмити бу тәләпләргә қарита сүкүттә болди.

Хитай һөкүмити бу вәқәни бир қисим зораван намайишчиларниң һөкүмәтни һақарәтлишигә чидимиған сақчиларниң аччиғида уларға қарита оқ чиқирип қойғанлиқи билән чүшәндүрди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.