Xitay kompartiyisi merkiziy komitétining omumi yighini yépildi


2005.10.11
Share on WhatsApp
Share on WhatsApp

Xitay kompartiyisi 16 - qurultiyining 5 - omumi yighini seyshenbe küni béyjingda yépildi. Yighinda bay - kembeghellik perqining chongiyishini bir terep qilish qatarliq mesililer boyiche kelgüsi besh yilliq pilan maqullandi.

Bu qétimqi yighin 4 kün dawam qilghan bolsimu, emma yighinning mezmuni toghrisida köp nersiler élan qilinmidi. Yighinda ijtima'iy we iqtisadiy tengpungsizliq mesilisi muzakire qilin'ghan. B b s, xitay rehberlirining jem'iyettiki ijtima'iy naraziliqlardin ensireshke bashlighanliqini bildürdi.

Xitayda yézilardiki parixorluq we adaletsizlik puqralarni isyan kötürüshke mejburlimaqta. Xitay da'irilirining ashkarilishiche, ötken yili xitay boyiche 70 ming qétim naraziliq herikiti yüz bergen bolup, buninggha az dégende 3 milyon adem ishtirak qilghan.

Atalmish "dölet iqtisadi we ijtima'iy tereqqiyatining 5 yilliq pilani" da, burunqigha oxshash iqtisadiy tereqqiyat sür'itini tézlitish ornigha ijtima'iy xizmetni yaxshilash tekitlendi.

Bu qétimqi yighin kompartiyining sabiq sékritari jang zémin pütün wezipiliridin ayrilghandin kéyin, xu jintaw yitekchilik qilghan tunji yighin bolup hésablinidu. Emma bu qétim yighinda kompartiyining yuqiri qatlimida kadirlarni tertipke sélish bolmidi. Közetküchilerning tekitlishiche, bu xu jingtawning hoquqi téxi mustehkemlenmigenlikidin dérek béridiken. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.