Kishilik hoquq teshkilati: xitay mektepliride ösmürlerni emgekke élish ishliri mewjut
2007.12.03
Bash shitabi nyuyorkqa jaylashqan kishilik hoquqni közitish teshkilati, xitay hökümitining ottura- bashlan'ghuch mekteplerde kirim qilish üchün balilarni emgekke salidighan qilmishlarni derhal ayaqlashturushi kéreklikini körsetti.
Mezkur teshkilatning bayanatigha qarighanda, xitayda ösmürler sa'etlep ishlitilgen we gahida xeterlik ishlarghimu mejburlan'ghan bolup, bundaq qilmishlar oqughuchilarning terbiyilinishige eks tesir körsetken.
Fransiye agéntliqining körsitishiche, kishilik hoquqni közitish teshkilati asiya bölümining diréktori sofiy richardson xanim, xitay hökümitining ösmürlerni emgekke sélish qilmishlirigha zerbe béridighanliqini tekitlep we qanuni belgilimilerni tüzüp körsetken bolsimu, emma özi tüzgen belgilimilerge özi xilapliq qilghanliqini körsitip: "emma xitay hökümitining ma'arip sistémisi ösmür emgekchiler arqiliq emelge ashuridighan programmilarni yürgüzüsh arqiliq özi belgiligen belgilimilerge özi xilapliq qilmaqta" dégen.
Richardson xanimning bildürüshiche yene, bundaq emgeklerde salametlik we bixeterlikke kapaletlik qilidighan ishlar yoq déyerlik hemde ösmür emgekchilerni ézish ishliri sadir bolup turidighan bolup, bu xitayning emgek qanunigha xilap iken.
Xewerde körsitilishiche, xitay ma'arip ministirliqi namrat rayonlarda yolgha qoyghan "tirishchanliq bilen ishlep ,iqtisadchanliq bilen mektep bashqurush" siyasitining sayiside 400 mingdin artuq 12 yashtin 16 yashqiche bolghan ottura mektep oqughuchiliri déhqanchiliq we pishshiqlap ishlesh emgeklirige sélin'ghan bolup, 2004- yili pütün xitay buyiche, bu meqsette 10 milyard yüenlik ish höddige élin'ghan.
Melum bolushiche, xitayda oqughuchilar mektep emgek küchige éhtiyajliq orunlar bilen tüzgen toxtam arqiliq opche toxtam buyiche adem ishletküchi orunlargha ötküzülüp bérilidighan bolup, hetta bezi yaz künliri 14 sa'etlep emgekke sélin'ghan.
Richardson xanimning bildürüshiche, xitayning qanuni we xelq'araliq emgek qanunigha asasen ösmürler emgekke sélinmasliqi kérek iken. (Jüme)
Munasiwetlik maqalilar
- Xitay "qanun teshwiqat küni" harpisida namayishchilarning naraziliqigha duch keldi
- Xelq'ara muxbirlar teshkilati olimpik komitétini xitay mesiliside eyiblidi
- Xitayning enxuy ölkiside herbiy akadémiye oqughuchiliri isyan köterdi
- Xelqara olimpik komitéti emeldarliri xitay kishilik hoquq bayanati heqqide munazirileshmekte
- Kishilik hoquqni közitish teshkilati tibet we Uyghur élige qaritilghan axbarat cheklimisini tenqid qildi
- Xitay bixeterlik tarmaqliri béyjing olimpik yighinida namayish élip barghanlar qattiq jazalinidighanliqini bildürdi
- Xitay " junggoning siyasiy partiye tüzümi" namliq aq tashliq kitabini élan qildi
- Tyen'enmén namayishida türmige tashlan'ghan li wéyxung qoyuwétildi
- Muxbirlar bayrimi künide chet'el muxbirlirining ziyaret qilishi cheklendi
- Hökümet we saqchi da'iriliri turpanda yüz bergen naraziliq herikitini yoshurmaqta
- Turpanda Uyghur tijaretchiler namayish qildi
Köp körülgen xewerler
RFA
- Türkiye soti tunji qétim, erkin abduweli isimlik Uyghurni xitaygha qayturup bérish qararini élan qildi
- Memet éziz sadiq türkiye sotida xitay üchün jasusluq qilish jinayiti bilen eyiblinip 12 yilliq qamaqqa höküm qilin'ghan
- Erkin asiya radiyosining meshghulati fédératsiye meblighining késilishi bilen toxtishi mumkin
- Yawropa parlaménti taylandning Uyghurlarni xitaygha qayturghanliqigha qarshi qarar layihesi maqullidi
- Turghunjan alawudun b d t da Uyghur irqiy qirghinchiliqi we xitayning diniy basturushlirini ereb tilida otturigha qoydi