Xitayda oqughuchilarning netijisige qarap derije turghuzush bikar qilindi

Xitayning yéngidin özgertilgen mejburiy ma'arip qanuni 9‏-ayning 1‏- künidin bashlap resmiy yolgha qoyulidighan bolup, uningda oqughuchilarning netijisige qarap derije turghuzushqa oxshash oqughuchilargha rohi bésim élip kélidighan bir qatar tüzümler bikar qilin'ghan.

Xitay ma'arip ministirliqining bu yéngi belgilimiliride, buningdin kéyin her xil namlar bilen nuqtiliq mektep we nuqtiliq siniplarni qurushqa yol qoymasliq, oqughuchilarning netijisini élan qilmasliq, kichik imtihanlarning sanini azaytish hemde siniplarda netijige qarap derije turghuzushni bikar qilish qatarliqlar körsitilgen.

Burundin mekteplerde yolgha qoyulup kéliwatqan oqughuchilarni derijige turghuzushqa oxshash bu usullar, gerche bir qisim derste yaxshi balilarni righbetlendürsimu, emma bu öginishte bir az yétishelmeywatqan balilar üchün righbetlendürüsh emes, belki ularning qizghinliqi we özige bolghan ishenchisige chong tosalghu bolghan idi.

Bu yéngi belgilimide yene oqutquchilarning bolupmu derste qiyinchiliqi bar oqughuchilargha téximu köp yardem qilishi kérekliki körsitildi. Ma'arip ministirliqining bu yéngi qarari nurghun ma'aripchilar we ata-anilarning qollishigha érishken. (Peride)