Hamildarlarni bala aldurushqa mejburlighan emeldarlarning mes'uliyiti sürüshtürülidiken


2005.09.20

Xitay da'iriliri hamildar ayallarni bala aldurushqa mejburlash qilmishliri üstidin tekshürüsh élip baridighanliqini jakarlap, bu munasiwet bilen sendongning linyiy shehiride bezi emeldarlarning wezipisidin élip tashlan'ghanliqini, bezilirining qolgha élin'ghanliqini bildürdi.

Xitay döletlik nopus we pilanliq tughut komitéti, seyshenbe küni sendongda linyi shehiridiki pilanliq tughut komitéti xadimlirining qanunsiz qilmishlirini eyibleydighan erz- shikayetler tapshuruwalghanliqini élan qildi.

Pilanliq tughut komitétining bayanatchisi yü shyéjünning eskertishiche, deslepki tekshürüshke qarighanda linyiy shehiridiki puqralarning hoquqi rast dexli- terüzge uchrighan. Emma u, bu weqege qanchilik emeldarning chétilidighanliqini tilgha almidi.

Xitay pilanliq tughut komitétining mudiri jang wéychin yéqinda tughutni kontrol qilish siyasitining özgermeydighanliqini bildürgen idi.

Uyghurlar pilanliq tughut siyasitining éghir bésimigha duch kelmekte. Bu yil 2 - ayda xotenning qaraqash nahiyiside yerlik da'iriler bir Uyghur déhqan yashni ayalining qorsiqidiki balini éliwétishke mejburlan'ghanliqtin yéza partiye yachiykisining sékritari metselimxan, yash déhqan teripidin öltürüwétilgen. Da'iriler bu déhqan yash bilen uning hemrasini 4 - ayda étiwetti. Ilgiri buninggha oxshash weqeler turpanda yüz bergen idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.