Xitayda baylar we emeldarlar pilandin sirt perzent körmekte

Xitayda puldarlar bilen hoquqdarlarning, hökümetning pilanliq tughut siyasitige taqabil turuwatqanliqi bildürülmekte.

Amérika birleshme agéntliqining peyshenbe küni élan qilghan xewiride, xitayning xubéy ölkisidiki puldarlar bilen hoquqdarlarning xitayning pilanliq tughut siyasitige ochuq ‏- ashkara qarshiliq bildürüwatqanliqi élan qilin'ghan bolup, xubéyda chiqidighan metbu'atlarda nurghunlighan emeldarlar bilen baylarning birdin artuq perzent körüwatqanliqi bayan qilin'ghan we hökümetning bir milyonér tijaretchige ikki perzentlik bolush sewebidin 770 ming yüen jerimane qoyghanliqi, biraq uning peqet 100 yüen tapshurup, qalghan pulni tapshurmay qarshiliq bildürüwatqanliqi tekitlen'gen.

Xitayning pilanliq tughut siyasitining Uyghurlar üstide eng éghir ijra qiliniwatqanliqini bildürgen dunya Uyghur qurultiyining bayanatchisi dilshat réshit , metbu'atlargha bu heqte bergen bayanatida del yuqirida tilgha élin'ghan ehwallar heqqide sélishturma élip barghan bolup, dilshat réshitning bildürüshiche, yuqiri kirimliq xitaylar pul xejlep perzent sétiwalidiken , emma xitay özi étirap qilip " az sanliq millet " dep nam bergen Uyghurlar bolupmu Uyghur déhqanliri öz perzentlirini emes , belki öz hayatinimu saqlap qalalmaydiken.

Uyghur élide élip bériliwatqan mejburiy pilanliq tughut opiratsiyisi, minglighan déhqan ayallirining her xil ayallar késelliklirige duchar bolushigha , dawalinish qurbi yetmey waqitsiz ölüp kétishige yol achmaqta. (Eqide)