Teywen da'iriliri xitayning bölünüshke qarshi qanun lahiyisini otturigha qoyghanliqini qattiq eyiplidi


2004.12.20
Share on WhatsApp
Share on WhatsApp

Teywen hökümet da'iriliri xitay hökümitining " bölünüshke qarshi qanun layihisi" ni yolgha qoymaqchi boliwatqanliqigha qattiq naraziliq bildürüp," xitayning bu qilmishi teywen'ge hojum qilish üchün qanuniy asas sélishqa urun'ghanliq " dep körsetti.

Xitay xelq qurultiyining da'imi komititi ötken jüme küni bölünüshke qarshi yéngi bir qanun layihisini bikitip, uni xitay xelq qurultiyining shenbe künidin bashlap échilidighan yighinining muzakire qilishigha sunushni qarar qilghan idi.

Mezkür xewer tarqalghandin kiyin, teywende zor ghulghula qozghighan. Teywenning mu'awin prézidénti lüshiyuliyen" xitay chong quruqliqining bundaq bir qanunni tiklishi, ularning barliq wastilardin paydilinip, teywenni bésiwélish niyitining barliqini dunyagha jakarlidi" dep körsetti. Hemde xitayning her qandaq waste qollinipmu, teywenning ishlirigha qol tiqalmaydighanliqini eskertti.

Teywenning xitay chong quruqliqi ishliri komititining re'isi wu jawshi bolsa, xitay hökümitining bölünüshke qarshi qanunni tiklimekchi bolghanliqi, bir tereplime halda teywen boghizining weziyitini özgertishke urun'ghanliq, teywen'ge riqabet élan qilghanliq" dep bildürdi. U yene, xitayning bu qilmishining asiya-tinch okyan rayunining bixeterlikige zor xewp élip kélidighanliqini körsetti.

Teywendiki nurghun siyasiyonlar bolsa, teywenning asasiy qanun'gha tézrek özgertish kirgüzüsh, omomiy xelq rayini awazgha qoyushni ilgiri sürüsh, shundaqla xitayning " bölünüshke qarshi qanuni"gha taqabil turidighan qanun tüzüp chiqishni teshebbus qilmaqta. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.