Sherq - gherb gaz turubisining - 2 liniyisini yatquzuwatqan xitaylarni qar bésiwaldi


2008-03-14
Share

Aldinqi küni Uyghur élining qorghas nahiyiside gozigo ötingige 13 kilométir kélidighan yerde qar döwisi gümürülüsh weqesi yüz bérip, shu jayda sherq -gherb gaz turubisining 2 ‏- liniyisini yatquzuwatqan xitay ishchilarni qar bésiwaldi. Shinxu'a axbarat agéntliqining bu heqtiki xewiride az dégende 12 ademning qar astida qalghanliqini we 4 ademning jesiti tépilghanliqini bildürgen.

Lékin tengri tagh torining jüme künki xewiride 22 ademning qar astida qalghanliqini, bir ademning qutquzuwélin'ghan, bir ademning jesiti tépilghanliqini we 20 ademning hazirgha qeder iz dériki élinilmighanliqini ilgiri sürdi. Da'iriler qutquzush ishigha xitay azadliq armiyisining ilidiki chégra mudapi'e polki we qoralliq saqchi shöbe etritining ilidiki 100 neper eskirini seperwer qilghan.

Tengri tagh torining xewiride aptonom rayonning mu'awin re'isi küresh mexsutning weqe yüz bergen jaygha barghanliqini bildürdi. Yerlik puqralarning naraziliqi, muhit qoghdighuchilarning tenqidige uchrawatqan gherbning gazini sherqqe yötkesh qurulushi xitayning zor kölemlik énérgiye qurulushi bolup, bu qurulushning tarim oymanliqidiki teb'iy gazni xitayning jangjyang derya déltisidiki sana'et rayonlirigha toshushni meqset qilghan 1 - basquchi aldinqi yili resmi pütken idi. Gozigodiki weqege uchrighan bu qurulush bolsa gherbning gazini sherqqe toshush pilanining 2‏ - liniyilik basquchi bolup hésablinidu.

Xitay hökümiti bu qurulush yerliklerning iqtisadi ehwalini yaxshilashtiki bir purset, dep tekitlisimu, lékin chet'eldiki Uyghur teshkilatlar bu qurulushni xitaylar monopoliye qiliwalghanliqini, yerliklerni menpe'etdar qilalmighanliqini, hetta yerlik Uyghurlarni néfit ishchiliqighimu almaydighanliqini ilgiri sürmekte. Qar bésiwélish weqesi yüz bergende 60 dek ishchi ishlewatqan bolup, ularning hemmisi xitay ishchilar iken. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet