Qar apiti we soghuq témpératura xitay hem Uyghur élini palech halgha chüshürüp qoydi


2008-02-01
Share

Xitay we Uyghur élide yéqinqi 22 kündin béri dawamlishiwatqan misli körülüp baqmighan qar apiti we apet xaraktérlik soghuq hawa témpératurisi yene dawam qilmaqta. Yéqinqi 50 yildin béri misli körülüp baqmighan qar apiti xitayning on nechche ölke we aptonom rayonida qatnashni palech halgha chüshürüp qoyupla qalmay, Uyghur élining jenubidiki wilayetlerde apet xaraktérlik hawa rayi kilimatini keltürüp chiqardi.

Uyghur ili yerlik metbu'atlirining eskertishiche, Uyghur aptonom rayoni xelq ishlar nazariti qutquzush bashqarmisining mes'uli isaq, qeshqer, xoten, aqsu, bayin'ghulin wilayet ‏- oblastlirining éghir apetke uchrighanliqini, apetke uchrighanlarning 340 minggha yétidighanliqini we biwaste iqtisadi ziyanning 158 milyon yüen'ge yétidighanliqini élan qilghan. Xitayning teklimakan chöllükidiki tarim hawa rayi közitish ponkiti qar apitining teklimakan chöllükini qaplash da'irisi, yéghish qélinliqi we hawa rayi témpératurisining töwenlik derijisi qatarliqlar tarixiy rékort yaratqanliqini, teklimakan chöllükidiki témpératurining minus 32 gradusqa qeder chüshkenlikini bildürdi.

B b s ning eskertishiche, hawa rayi mutexessisliri 2 - ayning 8 we 9 - künliri Uyghur ili yene yéghish xaraktérlik soghuq éqimning hujumigha uchraydighanliqini bildürgen. Xitayning ölkiliride bolsa weziyet téximu nachar bolup, xelq ishlar ministirliqi jüme künige qeder 60 ademning apet tüpeyli ölgenlikini élan qildi. Tömür yol ministirliqining emeldari jaw chünléyning eskertishiche, 25 yanwardin 31 - yanwarghiche 5 milyon 800 ming yoluchi poyiz béketliride toxtap qalghan. Xelq ishlar ministirliqi apet tüpeyli kélip chiqqan iqtisadi ziyanning 7 yérim milyard dollargha yétidighanliqini jakarlidi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet