Гуаңдоң өлкисидә җәмийәт қара күчлири гуруһи битчит қилинди


2007-01-14
Share

Хитайниң қанун тор бетидин мәлум болушичә, гуаңдоң өлкисидә һәрикәтлинип келиватқан җәмийәт қара күчлири гуруһиниң йүздин артуқ әзаси, җүмә күни гуаңҗуда йиллиқ қурултай өткүзиватқанда паш болуп, сақчилар тәрипидин бирақла қолға чүшкән.

Гуаңдоң җамаәт хәвәпсизлик даирлири бу қара горуһ әзалирини битчит қилиш үчүн нәччә йүз толуқ қоралланған сақчи күчи һәмдә тәрбийиләнгән афшаркиларни ишқа салған.

Хәвәрдә ейтилишичә, җәмийәт қара күчлири йиллиқ йиғинини гуаңҗу шәһриниң шиәнле йолидики бир қонақханиниң йәттә еғиз өйини бирақла елип орунлаштурған болуп, йиғин ечиватқанда сақчилар амминиң паш қилип учур беришигә асасән у җайни қоршап бирақла һуҗум қилған.

Сақчилар йүздин артуқ қарар җәмийәт әзалирини қолға алғандин башқа нәқ мәйданда йәнә к талқини қатарлиқ зәһәрлик чекимлик һәмдә бәзи пичақ қатарлиқ өткүр қоралларни қолға чүшәнгәнликини билдүргән. Әмма җәмийәт қарар күчлирини тутуш һәрикити җәрянида қораллиқ тоқунуш болған болмиғанлиқини тилға алмиған. (Гүлчеһрә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт