Qazaqistan bash ministiri Uyghur ilini ziyaret qildi


2007.03.19
Share on WhatsApp
Share on WhatsApp

Shinxu'a axbarat agéntliqining 19 ‏- marttiki xewrige qarighanda, Uyghur élide ziyarette boluwatqan qazaqstanning bash ministiri kerim mesimuf, 17-, 18 ‏- mart künliri qorghas we alataw chégra éghizlirini közdin kechürgen mezgilde, xitay-qazaqistan munasiwitini téximu yaxshilap, ikki terep arisidiki iqtisadi we soda alaqisini ilgiri süridighanliqini bildürdi.

Qazaq we xitay hökümiti kélishm hasil qilishi bilen qorghasqa qurush pilanlan'ghan xitay- qazaqistan qorghas xelq'araliq chégra merkizide, qazaq terep 2006- yili 3 ‏- ayda ish bashlighan. Kérem mesimuf xitay-qazaq arisidiki soda we bashqa alaqini téximu ilgiri sürüsh üchün qurulush sür'itini tézlitishni telep qilghan.

Xitay- qazaqistan qorghas xelq'araliq chégra merkizi, xitay-qazaq hökümiti arisida tüzülgen ikkinchi qétimliq chégra ara chong qurulush türi. Tunji qétimliqi 2005 ‏- yili noyabirda tamamlan'ghan, 700 milyon amérika dollar meblegh sélinip, qazaqistanning atasu din Uyghur élidiki alataw éghizigha tutashturulghan 962.2 Kilo métirliq néfit turuba liniyisi idi.

Bu xelq'araliq chégra merkizige 10 milyard yü|en xitay puli meblegh sélin'ghan bolup omumi kölimi 9.73 Kwadrat kilo métir. Buning ichide 1.2 Kwadrat kilo métiri qazaqistan chégrisi ichige 3.43 Kwadrat kilo métiri Uyghur éli chigrisigha jaylashqan.

Kérem mesimufning bu qétimqi xitay ziyaritige qazaqistan maliye ministiri, soda-sana'et ministiri, qatnash ministiri, énérgiye we tebiy bayliqlar ministiri qatarliqlar hemra bolup kelgen. Bu 2007 -yili wezipe tapshurup alghandin kiyin kérem mesimufning tunji qétim xitayni ziyaret qilishi iken. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet