Wén jyabaw: lopnur tragédiyisining gensuda yüz bérishige yol qoyulmaydu


2005.03.15
Share on WhatsApp
Share on WhatsApp

Xitay bash ministiri wén jyabaw, Uyghur aptonom rayonida yüz bergen qumlishish tragédiyisini gensuda yüz bérishige yol qoymaydighanliqini bildürdi. Wén jyabaw düshenbe küni yépilghan xitay xelq qurultiyining yighini jeryanida gensu wekillirining guruppa muzakirisige qatniship, “ biz lopnurde yüz bergen tragédiyining minching nahiyiside yüz bérishige yol qoymasliqimiz kérek,” dep körsetken.

Tunji qétim 1964 - yili atom bomba siniqi élip barghan xitayning yadro qorallar sinaq meydani lopnurgha jaylashqan idi. Lopnur köli, tarim oymanliqining sherqiy shimaligha toghra kélidu. 20 - Esirning bashlirida kölimi 10 ming kwadirat kilométir kélidighan lopnur köli, hazir pütünley qurup ketti.

1885 - Yili 12 - dékabir lopnurdiki yadro siniqini toxtitishni telep qilip ürümchide namayish qilghan Uyghur oqughuchilar, xitay da'iriliri teripidin dölet mudapi'esini ajizlitishqa urunush bilen eyiplgen'gen idi.

Shinxu'a axbarat agéntliqining xewer qilishiche, gensuning minching nahiyiside qumlishish sür'iti yiligha 20 métir tézlik bilen kéngeymektiken.

Wén jyabaw, nupusi 300 ming etrapidiki minching nahiyisining muhitini qoghdash üchün tirishidighanliqini wede qilghan. Bu qétimqi qurultayda Uyghur aptonom rayoni namidin qurultaygha qatnashqan bezi wekiller, qumlushush sür'itini tizginlesh üchün, Uyghur aptonom rayonigha chiqidighan köchmenlerni tézginleshni telep qildi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.