Xitayning gherbiy jenubidiki qurghaqchiliq apti Uyghur élige tehdit élip kélishi mumkin

Yéngi zélandiye xewerliri we muhim xewerler tor bétidiki melumatlargha asaslan'ghanda, xitayning gherbiy jenubida yüz bergen qurghaqchiliq apti 1.5 Milyon ademge tehdit élip kelgen.

Buning bilen, apet rayonidiki nechche minglighan xitay déhqan Uyghur élige éqip kirip tirikchilik qilishqa mejburlan'ghan. Xitay déhqanlirining Uyghur élige bundaq zor türkümlep éqip kirishi Uyghur élining ijtima'iy muqimliqigha éghir tehdit élip kélishi mumkin iken.

Dunyadiki 3-uzun derya bolup hésablinidighan changjang deryasi gherbte chingxeygiche sozulghan bolup, 186 sheher rayonni késip ötidu. Bu deryada qatnaydighan 10 din artuq yük paraxoti su yüzining töwenlep kétishi seweblik derya qirghaqlirida toxtap qalghan. 30 Milyon nopusqa ige chungchingning bezi rayonlirida ichimlik su teminatigha chek qoyulghan.

Ötken yili yazdimu xitayning gherbiy jenubi éghir qurghaqchiliq apitige uchrighan bolup, 18 milyon adem ichimlik su yétishmeslik ehwaligha duch kelgen idi. Melumatlargha qarighanda, bu yil küzde yuqiriqi apet rayonliridin yene nechche onminglighan xitay déhqan Uyghur élige paxta térishqa kélidiken. (Jüme)