Dunya sehiye teshkilati xitayni qush zukam wirusi toghrisida agahlandurdi


2005-06-10
Share

Dunya sehiye teshkilati xitay da'irilirini agahlandurup, qush zukam wirusigha jiddi mu'amile qilmisa yer shari xaraktérlik yuqumlinish peyda qilip, aldin bayqiwalghili bolmaydighan apet xaraktérlik xewpke aylinish éhtimali barliqini bildürdi. Bu agahlandurushni dunya sehiye teshkilatining emeldari shigéru omi, jüme küni béyjingda Uyghur aptonom rayonining chöchek wilayitidiki bir ghaz pérmisida qush zukam wirusi bayqalghandin kéyin tekitligen. Bu h5n1 tipliq qush zukam wirusining bir ay ichide 2 - qétim xitayda bayqilishi bolup hisaplinidu. Mezkur wirus chöchek shehirining 30 kilométir nérisidiki bir ghaz pérmisida bayqalghan. Da'iriler, chöchek shehiridiki öy haywanliri bazirini taqap, ghaz pérmisidiki 17000 ghaz we toxuni öltürüwétishke mejbur bolghan.

Shigéru omi, muxbirlarni kütüwélish yighinida, " bu ehwallar wirusning turaqsiz, aldin bayqiwalghili bolmaydighan shundaqla köp xiliqqa igiliqini körsetmekte," dep eskertti. Shigéru omining tekitlishiche, qush zukam wirusining yéngi we tuyuqsiz mesililerni keltürüp chiqirish éhtimali mewjutken.

Qush zukam wirusi buningdin 8 yil ilgiri xitayning xongkong we ichkiri rayonlirida bayqalghan. Wéytnam , tayland we kambodΨ'alarda 53 ademning ölüshini keltürüp chiqarghan idi. Xitay yéza igilik ministirliqi charshenbe küni mezkur wirusning chöchektiki bir ghaz pérmisida bayqalghanliqini élan qildi. Dunya sehiye teshkilati, xitay da'irilirining qush wirusining tarqilish ehwali toghrisida tepsili doklat bilen teminlishini kütmektiken. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet