Xitayning sherqide yene qush zukimi wirusi bayqaldi


2005.10.25
Share on WhatsApp
Share on WhatsApp

Xitayning enxüy ölkisi tyenchang shehiri etrapidiki melum bir yézida 2000 din artuq ghazning H5N1 tipliq qush zukimi wirusi bilen yuqumlan'ghanliqi bayqaldi.

B d t ning ashliq déhqanchiliq orginining xitayda turushluq wekili monaning seyshenbe küni bildürüshiche, xitay déhqanchiliq nazariti, enxüyning bir yézisida 550 ghazning qush zukimi bilen ölgenlikini étirap qilghan hemde qush zukimi bayqalghan rayondiki 50 mingdin artuq qushlarni öltürgenlikini bildürgen. Emma xitay da'iriliri bu ghazlarning konkért qaysi yerde, qachan qush zukimi wirusi bilen yuqumlan'ghanliqini éytmighan.

Buningdin sirt, xitay hökümet da'irilirimu xunenning tenshang nahiyiside ödeklerning qush zukimi sewebidin ölgenlikini élan qildi.

Xelq'ara mutexessisler, pesil xaraktérlik qushlarning köchüshi bilen qush zukimining téz tarilishidin endishe qilmaqta. Emma xitay ormanchiliq idarisi düshenbe küni xitaydiki yawayi haywanlarda téxi qush zukimi wirusining bayqalmighanliqini bildürüp, xitayning qush zukimi wirusini kontrol qilish tedbirlirini kücheytkenlikini körsetti.

Buning aldida, ichki mongghulda qush zukimi wirusi bayqalghan idi. 2003 - Yili qush zukimi wirusi tarqalghandin buyan, asiyada 60 dek adem bu sewebtin öldi. Emma xitay qush zukimi bilen ademning ölüsh ehwalining téxi körülmigenlikini bildürmekte.

Hindonéziye emeldarlirining bildürüshiche, hindonéziyide yene bir er seyshenbe küni qush zukimi bilen ölgen. Yéqinda, rusiye, ruminiye we türkiye qatarliq jaylardimu qush zukimi bayqalghan idi. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.