Shangxey olimpik harpisida kélidighan sodigerlerge wiza bérishni toxtatti

Shangxey sheherlik hökümet mezkur sheherge olimpik harpisida kélidighan sodigerlerge wiza bérishni toxtatqanliqini uqturush qilghan bolup, fransiye agéntliqida körsitilishiche, bu olimpikni tinch ötküzüshni kapaletke ige qilish üchün alghan tedbirliridin biri iken.
Muxbirimiz jüme xewiri
2008.07.24
Share on WhatsApp
Share on WhatsApp

 Xewerde shangxey tashqi soda komitétining éytqanlirini neqil élip körsitilishiche, soda wizisi we bazar tekshürüsh wiza iltimaslirigha xitay hökümet tereptin teminlinidighan teklip xetliri olimpik axirighiche toxtitilidiken.

Shangxey tashqi soda komitéti öz tor bétide élan qilghan bu heqtiki uqturushta, shangxeyge soda sepiri üchün kélidighan chet'ellik sodigerler choqum qarshi tereptin ewetilgen chaqiriq qeghizini wiza iltimasigha qoshup élip kélishi körsitilgen hemde shangxeydiki soda shirketlirining muhim soda sepiri üchün shangxeyge kelmise bolmaydighan chet'ellik sodigerlerge shu xildiki chaqiriqni bérish nisbitini amalning bériche kémeytishi kérekliki telep qilin'ghan.

Melumatlargha qarighanda, xitay hökümitining bu cheklesh qarari shu xilidiki qararlarning eng yéngisi bolup, tenqidchilerning qarishiche, xitayning shundaq wasitilerni qollinishtiki meqsiti, olimpik jeryanida yüz bérish éhtimalliqi bolghan qarshiliq namayishlirining sanini azlitish uchun iken.

Xitay hökümitining bu qararni héchqandaq aldin uqturush bermeyla élan qilishi xitayda xizmet qiliwatqan yawropa ittipaqi soda komitétning endishisini qozghighan bolup, ularning qarishiche, bu xil cheklime xitayda soda qiliwatqan chet'el shirketliri üchün jiddiy mesililerni tughduridiken.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.