Хитай мутәхәссислири хитайниң уйғур вә тибәтләргә қаратқан маарип сияситини тәнқид қилди

Хитай мутәхәссислири, хитай һөкүмитиниң уйғур вә тибәтләрниң тил һәмдә мәдәнийәт саһәсидә елип бериватқан сияситини қаттиқ тәнқид қилди.

Канадада чиқидиған Globe and Mail гезитидә 18 - декабир күни елан қилинған мақалида көрситилишичә, йеқинда бейҗиңда, хитай иҗтимаий пәнләр академийиси "хитайдики миллий вә иҗтимаий мәсилиләрни қандақ бир тәрәп қилиш керәк" дегән темида мәхсус бир илмий муһакимә йиғини ечилған болуп, мәзкур йиғинға қатнашқан хитай мутәхәссисләр һөкүмәтниң уйғур ели вә тибәт районида хитай болмиған бу икки милләтниң тил вә мәдәнийитигә көрситиватқан сәлби тәсирлири үстидә муһакимә йүргүзүп, буниң түптин хата икәнликини оттуриға қойған.

Хитай һөкүмити, уйғур елидә маарипни хитайчилаштуруш пиланини узун муддәт йолға қоюшни пиланлаштин сирт, уйғур яш - өсмүрлирини түркүм - түркүмләп хитайниң ичкири өлкилиридики асаслиқ 25 шәһәргә орунлаштуруп, толуқ оттура һәтта али мәктәпкә қәдәр хитай маарипи бойичә тәрбийәләшни күчәйтмәктә.

Хитайниң уйғурларға елип бериватқан мәзкур маарип сиясити, чәтәллик вә хитай мутәхәссислири тәрипидин әйипләнмәктә. (Әқидә)