Хитайда йәр үсти сүйиниң 25 % булғинишқа учриған


2005.10.28
Share on WhatsApp
Share on WhatsApp

Хитай су ишлири министирликидики даириләр, хитайда суниң булғиниш әһвали еғирлишип, су байлиқи йетишмәслик вәзийити җиддилишиватқанлиқини агаһландурди. Хитайда инглизчә чиқидиған "җоңго гезити" ниң хәвәр қилишичә, хитай су ишлири министирликиниң бир инҗинири, нөвәттә хитай бойичә йәр үсти сүйиниң 25 % булғунушқа учриғанлиқини, чоң шәһәрләрдә болса йәр асти сүйиниң булғунуши 50 % кә йетидиғанлиқини билдүргән.

Мәзкур инҗинирниң әскәртишичә, хитайниң шималидики районларда йәр асти сүйини һәддидин зиядә қезиш сәвәбидин, йәр асти су мәнбәәлири асасән қуруп кетиш басқучиға келип қалған.

Франсийә ахбарат агентлиқиниң хәвәр қилишичә, нөвәттә хитайдики 600 дин артуқ шәһәр ичидә тәхминән 400 йүздәк шәһәр су йетишмәслик әһвалиға дуч кәлмәктә. Йеқинқи йиллардин бери хитайда 90 дин артуқ дәря еқини қурғақчилиқ түпәйлидин үзүлүп қалған.

Хитайда су йетишмәслик әһвали әң еғир җайларниң бири уйғур аптоном райони. Мутәхәссисләр, йәр асти сүйини һәддидин зиядә көп қезиш сәвәплиридин турпан каризлириниң пүтүнләй йоқилип кетиш хәвпигә дуч келиватқанлиқини агаһландурмақта иди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.