Xitayda yer üsti süyining 25 % bulghinishqa uchrighan


2005.10.28
Share on WhatsApp
Share on WhatsApp

Xitay su ishliri ministirlikidiki da'iriler, xitayda suning bulghinish ehwali éghirliship, su bayliqi yétishmeslik weziyiti jiddilishiwatqanliqini agahlandurdi. Xitayda in'glizche chiqidighan "jonggo géziti" ning xewer qilishiche, xitay su ishliri ministirlikining bir injiniri, nöwette xitay boyiche yer üsti süyining 25 % bulghunushqa uchrighanliqini, chong sheherlerde bolsa yer asti süyining bulghunushi 50 % ke yétidighanliqini bildürgen.

Mezkur injinirning eskertishiche, xitayning shimalidiki rayonlarda yer asti süyini heddidin ziyade qézish sewebidin, yer asti su menbe'eliri asasen qurup kétish basquchigha kélip qalghan.

Fransiye axbarat agéntliqining xewer qilishiche, nöwette xitaydiki 600 din artuq sheher ichide texminen 400 yüzdek sheher su yétishmeslik ehwaligha duch kelmekte. Yéqinqi yillardin béri xitayda 90 din artuq derya éqini qurghaqchiliq tüpeylidin üzülüp qalghan.

Xitayda su yétishmeslik ehwali eng éghir jaylarning biri Uyghur aptonom rayoni. Mutexessisler, yer asti süyini heddidin ziyade köp qézish sewepliridin turpan karizlirining pütünley yoqilip kétish xewpige duch kéliwatqanliqini agahlandurmaqta idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet