Тәйвән хитай билән мунасивәтни яхшилаш үчүн игилик һоқоқини қурбан қилмайдиғанлиқини билдүрди



Share

Тәйвән презденти чин шүйбийән пәйшәнбә күни телевизорда нутуқ сөзләп, хитай чоң қуруқлуқи билән мунасивитини яхшилаш үчүн, һәргизму тәйвәнниң игилик һоқоқи, бихәтәрлики вә ғорорини қурбан қилмайдиғанлиқини билдүрди.

Чин шүйбийән нөвәттә панамани зиярәт қиливатқан болуп, у җүмә күнидики тәйвән армийә байрими мунасивити билән юқирдики нутуқни алдинала синалғуға елип, пәйшәнбә күни елан қилған.

У сөзидә мундақ дигән: "биз икки қирғақ мунасивитини нормаллаштуруш үчүн көп қетим достанә нийитимизни ипадилидуқ. Бирақ хитай һөкүмитиниң тәйвәнниң һазирқи орниға көз юмғанлиқи, икки тәрәп ихтилабини кәлтүрүп чиқириватқан асаслиқ амил боливатиду".

Чин шүйбийән бу нутуқни елан қилиштин бир нәччә күн илгири, тәйвәндики хәнгуаң һәрбий маневирни өткүзүшни бикар қилған иди. Мәлуматларға қариғанда, хитай тәрәпму тәйвәнни нишан қилған бир һәрбий маневирни өткүзмигән.

Буниңдин сирт америка бирләшмә ахбарат агентлиқиниң билдүришичә, йеқинда тәйвәндә елип берилған бир қетимлиқ хәлқ райини синашта, % 73 кишиниң, хитайниң олимпик тәнтәрбийә йиғинида еришкән алтун мидал санидин пәхирләнмәйдиғанлиқи мәлум болған. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт